Oleiros renovará por 85.000 euros o alumeado público do polígono empresarial situado en ICARIA

O Concello de Oleiros procederá á renovación do alumeado público do polígono empresarial situado en ICARIA cunha inversión de 85.299 €, financiados entre a Consellería de Industria e o Concello.

Con esta inversión preténdese acadar un 60% de aforro enerxético nese ámbito, o que suporá un aforro de 20.000 € ao ano para o Concello.

Para conseguir estes obxectivos:

– Instalaranse sistemas telexestionados para regulación do consumo nos centros de mando de alumeado.

– Substituiranse as luminarias obsoletas actuais por luminarias de alta eficiencia tipo led.

– Reordenarase a disposición de centros de mando actuais, renovando e unificando os existentes.