O galego Francisco Piñeiro proclámase subcampión do Campionato de España Iberdrola de Vela Adaptada

O Real Club Náutico de Sanxenxo coroou hoxe a Francisco Llobet como vencedor do Campionato de España Iberdrola de Vela Adaptada. O catalán mostrouse imparable no campo de regatas e, tras sumar dous primeiros hoxe, cólgase o ansiado ouro nacional. O galego Francisco Piñeiro e o cartagenero Antonio Maestre completan o caixón de honra. Pola súa banda, a frota de Damm 5.5 saía hoxe á auga para disputar unha regata Pro-Am na que o barco asesorado por Fernando Echávarri foi o mellor da cita.

A primeira hora da mañá o Comité de Regatas saía á auga. O parte meteorolóxico afirmaba que o sol sería o protagonista absoluto da xornada e o vento brillaría pola súa ausencia, pero o Comité intentouno por todo os medios e ao fío das das 13:45 horas soaba o pistoletazo de saída á primeira proba do día para a frota de 2.4 mR que, tras unha intensa regata, aínda disputaba unha segunda proba. Pola súa banda, a frota de Damm 5.5 disputaría unha única manga

Dúas mangas na ría de Pontevedra

Sol, ceo despexado e ventos lixeiros, duns 5 nós de intensidade, foron as condicións coas que se disputaron as primeiras millas da manga inaugural do día, pero coas que tras a primeira cinguida o Comité tivo a modificar o percorrido e os ventos do Sudoeste de ata nove nós de intensidade permitiron que a frota completase o barlovento-sotavento nas inmediacións do Real Club Náutico de Sanxenxo.

O catalán Francisco Llobet marcábase a primeira vitoria do día seguido do galego Antonio Figueira e o andaluz Javier Contreras.

Comezaba entón a segunda proba do día no campo de regatas situado fronte á praia de Silgar e Francisco Llobet sumaba a súa segunda vitoria consecutiva no Campionato de España Iberdrola de Vela Adaptada. Segundo na liña de chegada foi outro dos galegos en liza, Francisco Piñeiro, mentres o cartagenero Antonio Maestre se marcaba un terceiro.

Francisco Llobet, vencedor do Campionato de España Iberdrola de Vela Adaptada

Tras o recital de Francisco Llobet na ría de Pontevedra, que hoxe se marcaba dúas vitorias parciais, o catalán cólgase o ouro do Campionato de España Iberdrola de Vela Adaptada. A prata foi parar ás mans do único galego compoñente do equipo nacional Iberdrola, Francisco Piñeiro, mentres que Antonio Maestre, coa súa “Samba pa ti ” se colga o bronce.

As tripulacións asesoradas por Fernando Echávarri, Pablo Iglesias e Pepe Lis, as mellores da frota de Damm 5.5

No Real Club Náutico de Sanxenxo dábanse cita hoxe grandes deportistas galegos do talle dos campións olímpicos Fernando Echávarri e Antón Paz, o vueltamundista Pablo Iglesias ou os regatistas Pepe Lis e Nicolás Rodríguez. Xunto a eles, 17 persoas con algún tipo de minusvalidez seleccionadas por COGAMI (Confederación Galega de Persoas con Minusvalidez). Todos eles, ademais de Pedro Campos, formaban parte indispensable da experiencia integradora que o R.C.N.S quixo levar a cabo no marco do Campionato de España Iberdrola de Vela Adaptada.

No campo de regatas, a frota de Damm 5.5 do Centro Nacional de Vela Adaptada FUNDACIÓN MAPFRE escoitaba o seu bucinazo de saída ás 14:17 horas con ventos lixeiros do Sudoeste de oito nós de intensidade. Un barlovento-sotavento curto, dunha única volta, deulle a vitoria á tripulación do campión olímpico Fernando Echávarri, que levaba a Jesús Seoane, Diego Saavedra, Francisco Carrera e Santiago Táboas na súa tripulación.

A segunda posición foi parar ás mans de David Suárez, Paula Táboas e Manuel Gil, que levaba ao vueltamundista Pablo Iglesias como asesor mentres que Pepe Lis con Conchi Fernández, Mª Jesús Maquieira, Ana Vázquez e Paula Pensado completaban o podio.

As tripulacións de Antón Paz, con Luis Táboas, Coral Varela e María José Maceiras; e Nicolás Rodríguez, con Sonia García, Anselmo Pereira e Olga González, foron cuarta e quinta na liña de chegada.

Sanxenxo coroa os vencedores do Campionato de España Iberdrola

Ás 18:00 horas, o Real Club Náutico de Sanxenxo acollía a entrega de premios do Campionato de España Iberdrola de Vela Adaptada, á que acudiron Francisco Silva, Delegado de Iberdrola en Galicia; Félix Torres, Director de Comunicación de Iberdrola; Catalina González, Alcaldesa do Concello de Sanxenxo; María Isabel González, Concelleira de Servizos Sociais, Deportes e Xuventude do Concello de Sanxenxo; Anxo Queiruga, Presidente de COGAMI (Confederación Galega de Persoas con Minusvalidez); Javier Contreras, Secretario Nacional da clase 2.4 mR e Pedro Campos, Presidente do Real Club Náutico de Sanxenxo.

CLASIFICACIÓNS CAMPIONATO DE ESPAÑA IBERDROLA DE VELA ADAPTADA

Clase 2.4 mR

Posición / Patrón / Club / Puntuación

1. Paco Llobet (CN Arenys de Mar), 3 + 1 + 1 =5 puntos

2. Francisco Piñeiro (CD Vela Escota), 2 + 4 + 2 =8 puntos

3. Antonio Maestre (CAR Infanta Cristina), 1 + 5 + 3 =9 punto

4. Antonio Figueira (CD Vela Escota), 4 + 2 + 4 =9 puntos

5. Javier Contreras (R.C. Mediterráneo), 6 + 3 + 5 =14 puntos

Clase Damm 5.5

Posición / Patrón / Tripulación / Puntuación

1. Fernando Echávarri / Jesús Mª Seoane, Diego Saavedra, Francisco Carrera, Santiago Táboas, 1 puntos

2. Pablo Iglesias / Manuel Gil, David Suárez, Paula Táboas, 2 puntos

3. Pepe Lis / Conchi Fernández, Mª Jesús Maquieira, Ana Vázquez, Paula Pensado, 3 puntos

4. Antón Paz / Luis Táboas, Coral Varela, Mª José Maceiras, 4 puntos

5. Nicolás Rodríguez / Sonia García, Anselmo Pereira, Olga González, 5 puntos