O alcalde de Vigo felicita aos axentes que realizaron un salvamento “notable” na praia da Fonte

Caballero no recibimento aos axentes

A Policía Local de Vigo recibiu, sobre as 21 horas do pasado martes, un aviso dun home solicitando axuda xunto as rochas da Fonte, en situación “extrema”. Dous axentes da sección Costa e Praia desprazáronse ata a praia e atopáronse cun home inmóbil, que foi retirado da auga, reanimado e evacuado na ambulancia.

Abel Caballero quixo felicitar hoxe ao home e muller que interviron nesta operación, que evidencia que a Costa e Praia da Policía Local “está funcionando moi ben”, e o alcalde adiantou que se reforzará o servizo. Os cidadáns, segundo apuntou, valoran este servizo municipal de proximidade presente nas praias de Vigo, incluso nas fins de semana nas Illas Cíes.