Nas próximos días procedarase ao desborce das principais pistas de monte do concello

O Concello de Frades está a acometer nestes días un completo programa de desbroce na súa rede de pistas municipais de monte. Unhas actuacións que complementan os traballos realizados no primeiro semestre do ano correspondentes ao Plan DTC 94 da Deputación da Coruña e ao PEIM, que permitiu bachear e desbrozar a gran maioría das pistas municipais.

De feito, o pasado 9 de agosto rematouse cos desbroces das pistas municipais, polo que as actuacións das próximas semanas centraranse nas pistas de monte. Uns traballos acometidos polo Concello de Frades con cargo a fondos propios e que permitirán mellorar o estado dunha das redes de pistas municipais máis extensas da zona, xa que Frades conta con máis de 560 quilómetros de pistas de titularidade municipal debido a que todo o seu territorio se atopa concentrado.

Así, durante esta primeira semana xa se ten actuado na limpeza de cunetas nas pistas entre Mesos e Papucín, onde tamén se fará un bacheo nalgún dos seus puntos, así como na parroquia de Vitre.