Melloras na área infantil da praza Juan Naya

Melloras na área infantil da praza Juan Naya

As concelleiras de Barrio, Carmen Hervada e Susana Pazo, visitaron esta mañá os traballos de mellora que se están a realizar na área infantil da praza Juan Naya, dentro do plan de melloras en áreas infantís que a Concellaría de Medio, que dirixe Enrique Salvador, está a levar a cabo na cidade.

A actuación, que finalizará ao longo desta mesma semana, responde á petición dos veciños de adecuar este parque para que poida ser utilizado por nenos máis pequenos. Neste sentido, procedeuse a retirar os xogos existentes para adecualos ás novas necesidades. Deste modo, vanse reutilizar xogos que estaban no almacén, colocaranse novos bambáns, un castelo, un barco e dous balancíns. Ademais, colocarase chan de seguridade de caucho con céspede artificial.

Estes traballos súmanse á renovación dos parques de Santa Margarida e Padre Rubinos, inaugurados recentemente, e ás melloras que se están a realizar noutras áreas da cidade como os xardíns de Méndez Núñez.