Mazhino e Michel Salgado estarán no Torneo de Foot-Vólei Praia de Nigrán

Foot-Vólei Praia

O recinto deportivo e de ocio chega á súa fin coa celebración do Torneo Coca Cola de Foot-Vólei Praia, que se disputará mañá sábado no areal de Panxón durante todo o día. Ademais de xogadores de alto nivel desta modalidade deportiva -participantes en competicións nacionais e internacionais- como Amarelle, Quique, Eloy ou Javi Millos, os espectadores poderán gozar do toque de ex futbolistas internacionais do R.C. Celta como Michel Salagado ou Mazhino.

En definitiva, a que será a última proba deportiva da segunda edición de Nigrán Area ten todos os ingredientes necesarios para garantir un magnífico espectáculo. “Nesta segunda edición, Nigrán Area consolidouse como un dos eventos do verán, do que tanto locais coma visitantes poderán gozar o próximo verán,” apunta o rexedor municipal, Alberto Valverde.

A competición

Os partidos comezarán ás 10.00 horas coa fase de grupos, que enfrontará a todos os equipos inscritos. Os primeiros choques da tarde determinarán os cruzamentos de cuartos, para chegar á gran final, que está prevista entorno ás 18.30 horas.