Homenaxe en Nigrán “Na reivindicación do Lourido, na lembranza de Paco del Riego”

No marco do centenario do ilustre galeguista, Francisco “Paco” del Riego, o Instituto de Estudos Miñoranos organizará un encontro en Lourido (Nigrán):  “Na reivindicación do Lourido, na lembranza de Paco del Riego”. O mesmo terá lugar o vindeiro venres 30 de agosto ás 20:30 horas xunto á placa que honra a del Riego, “Fillo adoptivo de Nigrán”, na Área Loura.

O acto de carácter fraternal, reunirá a familiares e amigos, nuns dos lugares preferidos por del Riego nas súas estancias e paseos polo Val Miñor. A xuntanza, aberta para todos os que desexen participar, contará cunha breve intervención de Gonzalo Navaza, quen reivindicará o topónimo Lourido, así como de Xulián Maure (IEM), Francisco Domínguez (Fundación Penzol) e a investigadora Malores Villanueva, que lembrarán a figura de Don Paco, socio de honra do IEM.

Finalmente quen o desexe poderá participar dun viño fraternal e uns petiscos na Cafetería Área Loura, cun custe de 5 euros por persoa.