Festa da empanada en Allariz

O Concello de Allariz acollerá o 17 e 18 de agosto un festexo gastronómico dedicado á empanada. O programa inclúe:

Sábado 17

9.00 h. Disparo de bombas e comezo do Campionato de Billarda no Campo da Barreira.

18.00 h. XXIV Triatlón Vila de Allariz, na Alameda.

23.00 h. Concerto, Emilio Rúa, no Festival de Xardíns.

Domingo 18

11.00 h. Disparo de bombas. Pasarrúas a cargo da Banda de Música de Vilatuxe, Lalín (Pontevedra). Campionato Provincial de Piragüismo no embarcadoiro da Alameda e Festa Campestre no Campo de Vilanova, haberá postos de empanada durante todo  día (entrada gratuíta).

12.00 h. Desfile de xigantes e cabezudos, acompañados polo Grupo de Gaitas de Allariz dende a Casa da Cultura ata o Campo de Vilanova.

13.00 h. Concerto da Banda de Música de Vilatuxe, Lalín (Pontevedra) no Campo de Vilanova.

19.00 h. Actuación da Escola de Danza da Deputación – Castro Floxo, no Campo de Vilanova.

20.00 h. Concerto da Banda de Música de Vilatuxe, Lalín (Pontevedra) no Campo de Vilanova.

21.00 h. Baile coa Orquestra Ledicia, de Ourense, na Alameda.

24.00 h. Verbena amenizada pola mesma orquestra.

Actividades previas

Por outra banda, nas xornadas previas sucederanse distintas actividades lúdico-culturais. O xoves 15 de agosto, ás 23.00 h. Sergio Pazos presentará a súa obra “Se galego, my friend” na Casa da Cultura. O prezo das entradas fíxase en 4 euros presentando a tarxeta cidadá e 5 euros sen tarxeta cidadá.

Tamén do 10 ao 18 de agosto no Museo do Coiro de Allariz celebrarase un mercado de artesanía de 11.00 a 21.00 h. Nel poderá verse arte en cerámica, madeira, pintura, tecido, gravado, metais e moitos outros produtos creados por artistas e artesáns de Allariz.