Cotobade pon en marcha o curso de actividades auxiliares en conservación e mellora de montes
O Concello de Cotobade puxo en marcha o curso AFD “Actividades Auxiliares en Conservación e Mellora de Montes”, no cal se están a formar 15 persoas desempregadas.
Este curso que conta cunha duración de 348 h. (ata o 14 de novembro) os alumnos adquirirán os coñecementos teóricos e prácticos, para a mellora da súa empregabilidade, nos seguintes módulos formativos:
– Operacións de desbroce.
– Operacións auxiliares en repoboacións e infraestruturas forestais.
– Operacións básicas en tratamentos silvícolas.
– Operacións auxiliares no control de axentes causantes de pragas e enfermedades nas plantas forestais.
– Básico de prevención de riscos laborais.
– Inserción laboral, sensibilización medioambiental e na igualdade de xénero.
– Formación para a igualdade.
Para a realización dos contidos prácticos o Concello de Cotobade conta coa colaboración coa CC.MM de Rebordelo, a cal puxo a disposición dos alumnos o entorno do lugar de As Extremas onde os 15 alumnos realizarán as prácticas do curso.