Comeza o torneo de fútbol base da Coruña

Cartel do torneo

A Asociación de Fútbol Afeccionado da Coruña (A.F.A.C.) organiza a oitava edición o seu xa tradicional Torneo de Fútbol Base cun cartel de auténtico luxo nas categorías das que consta nesta edición: Cadetes e Infantís.

O prestixioso torneo coruñés arrancará mañá nos campos da Cidade Deportiva de La Torre, Víctor Fernandez Alonso (Leyma), Arsenio Iglesias (Grela 2), o sábado incorporarase o campo Juan Acuña (Elviña Grande) e o domingo o campo Rodrigo García Vizoso (Grela 1). A cidade respirará fútbol base de calidade en todos os seus campos, pois estarán as mellores canteiras de España en cartegoría Cadete. Na categoría de Cadetes participan o RC Deportivo Da coruña, RC Celta de Vigo, Atlético de Madrid, Sporting de Gijón, RCD Espanyol de Barcelona e os únicos clubs coruñeses de División Honra Orillamar SD e Victoria CF. En Infantiles o cartel estará formado polo RC Deportivo Da coruña, RC Celta de Vigo, Victoria CF, Orillamar SD, CD Calasanz, Ural CF, Galicia de Caranza e Rácing de Ferrol.

A fase clasificatoria discorrerá entre mañá e o sábado, mentres que o prato forte se servirá no campo Rodrigo García Vizoso (Grela 1) o domingo, día 25 de agosto, coa disputa das dúas finais. Ás 10:15 horas a Infantil e ás 11:50 horas a Cadete. A clausura e entrega de trofeos terá lugar ás 13.30 horas.