Catro Camiños resultou o vencedor do trofeo de chave Santa Catalina

Fíxose entrega o pasado domingo dos agasallos aos vencedores e mellores clasificados do Trofeo de Chave Santa Catalina, que se desenvolveu no parque municipal Rosalía de Castro ao longo da fin de semana (23, 24 e 25).

Nesta ocasión, o equipo Catro Camiños foi o que acadou o mellor resultado, seguido do Tilocha e do Concello de Ares, que obtivo o terceiro posto.

O máximo chavista foi Paco, do Catro Camiños e, como informou a organización, o equipo feminino Chamizo da Campa recibiu unha mención especial.

A competición de chave retómase en Ares a vindeira fin de semana coa celebración, o domingo 1 e tamén no parque Rosalía, do Primeiro Trofeo de Chave da Xuventude Concello de Ares, que promoven as áreas de Deportes e Servizos Sociais. Neste caso, serán oito os equipos que participen na actividade, un deles exclusivamente integrado por mulleres.