Cangas viviu a regata “Festas do Cristo” de Vaurien e Optimist

Participantes na regata

Este fin de semana pasado, celebrouse en augas da enseada de Cangas a tradicional regata de vela lixeira que vén organizando cada ano o Náutico Rodeira en colaboración co Concello de Cangas, con motivo da festa maior da vila.

A esta regata, que tiña a categoría de Autonómica para a clase Optimist e de Clasificatoria para o ranking galego da clase Vaurien, acudiron 37 embarcacións da primeira clase e 18 da segunda, excelente participación, que ano a ano sitúa a esta clásica entre as regatas imprescindibles para as tripulacións galegas e portuguesas.

Á cita non faltou o vento, elemento imprescindible para este deporte, que con dirección do Norte e forza entre os 15 e os 20 nós, puxo a proba a preparación das tripulacións, brindou espectaculares imaxes das vertixinosas planeadas dos vaurien e tamén dalgún xiro producido na difícil manobra da trasluchada. Aínda coas dificultades que as condicións supuxeron para os máis pequenos, realizáronse catro mangas na clase Optimist e cinco na clase Vaurien, ao final das cales, as clasificacións quedaron así:

Clase Vaurien

Clase Optimist

(*): Vencedor absoluto.