As xornadas “A creatividade para a empregabilidade” impartiranse en Santiago do 26 ao 28 de setembro

A Dirección Xeral de Xuventude e Voluntariado da Consellería de Traballo e Benestar organiza os vindeiros días 26, 27 e 28 de setembro de 2013 unhas xornadas  sobre a creatividade e a empregabilidade, enmarcado dentro do proxecto europeo Xuventude en Acción.

Datas: 26, 27 e 28 de setembro de 2013

Lugar de realización: Santiago de Compostela

Obxectivos:

– Fomentar o espírito emprendedor entre os/as mozos/as.

– Cultivar a imaxinación e creatividade aplicada ao autoemprego e a empregabilidade.

– Ofrecer un espazo para a adquisición de habilidades, destrezas e competencias emprendedoras: traballo en equipo, habilidades comunicativas, aprender de facendo.

– Intercambiar boas prácticas sobre a empregabilidade baseada no autoemprego e o emprendemento.

Destinatarios:

– Representantes/dirixentes e directivos de asociacións xuvenís.

– Mozos e mozas membros de asociacións.

– Estudantes universitarios de último curso.

– Estudantes de formación profesional de último curso.

– Mozos e mozas non asociados.

Número de prazas: 30

Prazo de inscrición: ata o 15 de setembro de 2013, mediante envío de formulario electrónico.

Requisitos de participación:

Os/as solicitantes que non reciban correo de confirmación nos  dez días seguintes ao rematar o prazo de inscrición, entendérase que non obtiveron praza.

Os/as participantes que teñan confirmada  a súa praza e non asistan ás xornadas deberán aboar os gastos de reserva de aloxamento e manutención, se non o comunican á organización cunha antelación de 48 horas de inicio da xornada (salvo acreditación mediante o correspondente xustificante da non asistencia por causa de enfermidade ou falecemento dun familiar).

Cobertura da actividade:

– Aloxamento en réxime de pensión completa en cuarto de uso múltiple (agás os/as residentes do Concello de Santiago ou concellos limítrofes, que terán manutención).

– Transporte no ámbito da actividade

Programa de actividades (provisional):

Xoves 26 de setembro

11.00 h: chegada dos/as participantes

11.30 h : acreditación

12.00 h:  presentación das xornadas por un representante da Dirección Xeral de Xuventude e Voluntariado.

12.15 h: relatorio “Que é a creatividade? Creatividade e innovación.

13.30 h:  xantar

16.15 h: mesa redonda “ Pódese adestrar a creatividade?”, con artistas e creadores novos premiados en concursos de creatividade.

17.15 h: relatorio “Adestrando a creatividade I”

18.15 h: pausa

18.45 h: relatorio – programas de apoio á creatividade e espírito emprendedor:

– Erasmus para emprendedores

– Iniciativa Xove da Xunta de Galicia e Iniciativa xuvenil do programa Xuventude en Acción.

20.00 h : fin de xornada.

21.00 h: cea.

Venres 27 de setembro

09.30 h: mesa redonda “A importancia da creatividade no éxito laboral”

10.15 h: relatorio sobre coaching laboral – creatividade e innovación

11.15 h: pausa

12:00 h: visita ao Viveiro de empresas da Cámara de Comercio de Santiago de Compostela

14.00 h: xantar

16.00 h: taller “Adestrando a creatividade II – o traballo en equipo”

17.00 h: taller “Adestrando a creatividade III – a importancia da imaxe”

19.00 h: fin da xornada

21.00 h: cea

Sábado 28 de setembro

10.00 h: relatorio “Os erros típicos dun/ha emprendedor/a”

10.45 h: taller de redacción dun proxecto de iniciativa xuvenil

11.45 h: pausa

12.15 h: conclusións

12.30 h: avaliación.

13.00 horas: clausura da xornada.

13.30 horas: xantar.