Alejandro Casal logrou con España a medalla de bronce no Campionato de Europa de kaiak polo

Alejandro Casal, terceiro pola dereita

Alejandro Casal logrou con España a medalla de bronce no Campionato de Europa de kaiak polo que se disputou en Poznan. O deportista do Club Náutico de Rodeira de Cangas, de 23 anos, acudía por primeira vez na súa carreira deportiva á cita coa selección na categoría sénior. Antes competira coa sub-21, na que alcanzou o quinto posto nun Mundial. O seu compañeiro de equipo Jon Martínez foi sétimo con España, tamén o europeo pero en sub-21. E Paula de la Peña, do Copacabana de Ferrol, sexta na categoría feminina.

O resultado final do equipo sénior é o mellor da súa historia. Alejandro Casal, que dende hai sete tempadas se dedica a esta modalidade, destacou que “foi moi importante. Sufrimos moito, pero logrouse o obxectivo de estar no podio”. A súa posición é de pivot e defensa. Anotou seis goles en todo o campionato.

España perdeu tres encontros ao longo do torneo. A derrota máis dolorosa foi ante Alemaña nunha das semifinais. No partido polas medallas, España superou a Holanda por 5-4 tras marcar o denominado ‘gol de ouro’.

Alejandro Casal sinalou que “é importante para o piragüismo estes resultados. O kaiak polo ten unha grande aceptación en Galicia e en toda España, polo que unha medalla de bronce serve” de incentivo” “para todos os xogadores novos”.