A web de deportes de Vigo habilita a posibilidade de reservar online as instalacións deportivas

O alcalde, Abel Caballero, e o concelleiro de Deportes, Manel Fernández, presentaron este xoves a nova web, incluída na municipal www.vigo.org, que inclúe información sobre instalacións, programas e eventos deportivos. Entre as principais melloras, o goberno de Vigo habilita a reserva das pistas vía Internet.

Durante a presentación, celebrada este xoves na galería de Alcaldía ante numerosos representantes do deporte vigués, tanto Abel Caballero como Manel Fernández apuntaron á “transparencia” que ofrece esta nova ferramenta, un exercicio de “eficacia e eficiencia”.