A tapa xigante do Carballiño contará con 260 quilos de polbo

A asociación de Pulpeiros e Pulpeiras de Arcos, en colaboración coa área de Turismo do concello do Carballiño, prepararán este martes, 6 de agosto, a tapa xigante de polbo máis grande do mundo, para o que usarán uns 260 quilos deste cefalópodo, preto de 60 litros de aceite, uns 10 quilos de sal e medio quilo de pemento. Todo iso sobre un prato de madeira de 3,80 metros, converténdose así nun novo record da vila carballiñesa.

O prato expoñerase ao público xa o martes pola mañá, na mesma praza maior onde á tarde, a partir das 20,00 horas comezará a prepararse esta xigantesca tapa de polbo a Feira.

A tapa será degustada, posteriormente e de forma gratuíta, por todos os asistentes a esta acto enmarcado dentro da celebración da LI Festa do Polbo do Carballiño.