A Federación de Comerciantes e Industriais do Morrazo rodará un spot publicitario
FECIMO levará a cabo a rodaxe dun spot publicitario en Moaña o vindeiro LUNS día 2 de SETEMBRO na praia da Xunqueira.
Esta peza será utilizada para a promoción da Pasarela do Comercio do Morrazo – “Amodiña”, que se celebrará o 21 de setembro.
A producción correrá a cargo de GF Studio, un equipo profesional de fotografía e video con ampla experiencia no mundo da moda. O spot estará protagonizado por modelos profesionais que lucirán os seus estilizados corpos nesta praia moañesa. Forman parte da plantilla de modelos que participarán na pasarela do día 21.