Verín acollerá a décima edición da Batucada

Durante os días 26 e 27 de xullo, a localidade de Verín acollerá a celebración da décima edición da Batucada.

O venres 26 arrinca, a partir das 17 horas, a inauguración da Batucada con inchables infantís e xogos  para todos os públicos, coa actuación de Disco Móvil Jorge, na praia fluvial de Verín. A partir das 00.30 horas, na praza García Barbón, música a cargo de Disco Móvil Gramola.

O día grande da Batucada, sábado 27 de xullo, ás 16.30 horas terá lugar a Festa da Auga e a Escuma nas prazas Maior e García Barbón de Verín, con animación musical, xogos e moitas sorpresas. Ás 19 horas, comezará a Ruta da Batucada, coa participación das batucas Xituma Batuké, Batulethes de Xinzo de Limia e outra portuguesa, que percorrerán a rúa Maior, praza do Rei, avenidas Luis Espada e Portugal, rúas Montemaior, Laureano Peláez e Irmáns Moreno ata o Pavillón Municipal de Deportes de Verín. A partir das 00.30 horas, animación musical con Disco Móvil Jorge nas prazas Maior e García Barbón, e xa ás 02.30 a festa trasládase á praza do Carboeiro con Disco Móvil Camelot.

Con todo, durante na xornada do 26 de xullo, os/as nenos/as da Ludoteca de Verán celebrará a ‘Ludobatucada’, un desfile no que máis dun centenar de menores percorrerán as rúas de Verín, e no que lucirán disfraces elaborados por eles/as mesmos/as. Ademais o xoves 25 de xullo, nas piscinas descubertas de ‘A Granxa’ terán lugar actuacións musicais con DJ’s en horario de tarde.