Verducido acolle do 19 ao 21 de xullo os campionatos de España no que participarán mil padexeiros

C-1 1.000 senior José Luis Bouza e Diego Romero

O Campionato de España de pista de verán reuníu máis de mil padexeiros, 78 clubs de 14 autonomías e disputaranse 261 probas dende este venres ata o próximo domingo. Verducido volverase converter nunha das principais referencias desta modalidade deportiva. A competición está destinada ás categorías júnior, sénior e veteranos nas distancias de 1.000, 500 e 200 metros.

Será un intensa actividade que se iniciou este venres ás nove da mañá e rematará o domingo a mediodía. O Campionato de España destinará a primeira xornada ás regatas de barcos individuais, tanto en K-1 coma en C-1 de 1.000 e 500 metros.

Segundo o calendario establecido, as primeiras finais disputaranse entre as once e a doce da mañá. Na sesión da tarde, as probas que outorgan as medallas iniciaranse ás 18.30 horas.

Os barcos de equipo entrarán na competición o sábado. Os K-2, C-2, C-4 e K-4 serán os protagonistas nas distancias de 1.000 e 500 metros. E xa domingo, celebraranse todas as probas de 200 metros, tantos individuais como de equipo.

Galicia acode á cita co maior número de equipos das 14 autonomías que estarán representadas no Campionato de España. Un total de 23 equipos galegos formalizaron a súa inscrición: As Torres Romería Vikinga, Breogán de O Grove, Mar Ría de Aldán, Piragüismo Poio, Piragüismo Rianxo, Fluvial de Lugo, Kayak Tudense, Kayak Vigo, Casino de Vilagarcía, Náutico Firrete, O Muiño de Ribaduma, Pontecesures, Ría de Betanzos, Naval de Pontevedra, Piragüismo Aldán, Portonovo, Ciudad de Lugo, Fluvial de Allariz, Rías Baixas Boiro, Verducido Pontillón, Vilaboa, Ciudad de Pontevedra e As Xuvias.

O Kaiak Tudense, varias veces gañador desta competición e ademais triunfador do Campionato de España de Inverno, preséntase como un dos grandes favoritos.

Os horarios para o sábado son:

11.10 home K-2 1.000 metros
11.30 home C-2 1.000 metros
11.40 muller K-2 1.000 metros
13.10 home K-4 1.00 metros
13.20 home C-4 1.000 metros
13.30 muller K-4 1.000 metros
18.23 home K-2 500 metros
18.27 home C-2 500 metros
18.39 muller K-2 500 metros
19.31 home C-4 500 metros
19.35 muller K-4 500 metros
19.43 home K-4 500 metros

Os horarios para o domingo son:

09.12 muller C-1 200 metros
10.00 home C-1 200 metros
10.03 muller K-1 200 metros
12.31 home K-2 200 metros
12.34 home C-2 200 metros
12.37 muller K-2 200 metros
13.27 home C-4 200 metros
13.30 home K-4 200 metros
13.36 muller K-4 200 metros

Os horarios poden sufrir algunha modificación segundo o desenvolvemento do campionato.