Últimos días para inscribirse no Maratón de Fútbol 7 ‘Eurocidade’

O vindeiro xoves 18 de xullo, ás 14 horas, conclúe o prazo de inscrición para participar na no Maratón de Fútbol 7 ‘Eurocidade Chaves-Verín’, organizado pola Eurocidade Chaves-Verín, a área de Deportes do Concello de Verín e Município de Chaves, e coa colaboración da A.D. Veteranos Verín e Cabreiroá.

A inscrición debe realizarse na sucursal Caja Rural de Zamora (Verín), abonando unha cota de 150 euros por equipo (no nº de conta 3085 0082 58 2139271213) e indicando o nome do equipo e teléfono de contacto (o límite mínimo de equipos é de 14). O sorteo dos partidos deste maratón terá lugar o xoves 18, ás 20 horas, no complexo deportivo de A Granxa. Para máis información poden contactar cos seguintes teléfonos: 660 77 65 64 e 679 974 483.

Os partidos, que se disputarán no complexo deportivo de A Granxa, terán lugar os días 20 e 21 de xullo. E os premios aos que optarán os equipos participantes son os seguintes:

– 1º Premio (1.200 € máis trofeo),

– 2º Premio (500 € máis trofeo),

– 3º Premio (150 € máis trofeo),

– 4º Premio (Trofeo).

– Trofeo ao mellor porteiro e xogador.

Ademais, os equipos que cumpran as normas de ‘Equipo da Eurocidade’ tamén poderán optar a outros dous premios:

– 1º Local (300 € máis trofeo),

– 2º Local (150 € máis trofeo).

Para optar aos premios locais, os equipos deberán contar como mínimo con sete xogadores pertencentes ao Concello de Verín ou ao Municipio de Chaves, acreditando a súa residencia coa Tarxeta do Eurocidadán (que poderán solicitar no Concello de Verín, Câmara Municipal de Chaves, e sede da Eurocidade en Feces de Abaixo).

A Eurocidade Chaves-Verín é un proxecto de cooperación transfronteiriza aprobado no ámbito do Programa Operacional de Cooperación Transfronteiriza España-Portugal (POCTEP), coa participación financieira da Unión Europea (co-financiamento FEDER).