Servizo da ‘BiblioRúa’ en Verín

Durante os días 3, 11, 23 (xullo) e 2, 12 e 23 (agosto), a Biblioteca Pública Municipal do Concello de Verín volveu saír a rúa co obxecto de acercar os libros o máis posible aos/ás lectores/as, e incentivar a importancia da lectura tanto dos/as máis novos/as como do público en xeral.

Durante as mañás destas seis xornadas, de 11 a 13 horas, voluntarios/as desta instalación municipal situaranse fronte á biblioteca cun stand no que se colocarán os libros máis prestados nos últimos meses; así como os clásicos de sempre, tanto de literatura infantil-xuvenil como de carácter xeral.

Ademais, con esta iniciativa búscase tamén amosar todos os servizos que presta a Biblioteca de Verín, novidades, recursos e as distintas actividades realizadas durante o ano, aproveitando o incremento de poboación na localidade durante os meses de verán.