Ribadumia informa do sistema para a recollida de envases fitosanitarios baleiros

O Concello de Ribadumia informa que segundo R.D. de Uso sostible dos produtos fitosanitarios 13/11/2012, do 14 de setembro, que foi consensuado entre a consellería do Medio Rural e do Mar e SIGFITO AGROENVASES S.L. ( Sociedade sen ánimo de lucro creada co obxecto de organizar un sistema de recollida de envases agrarios) está terminantemente prohibido queimar ou depositar nos colectores urbanos os envases baleiros de uso agrario de produtos fitosanitarios (Herbicidas, insecticidas, Funxicidas, etc…)

Para unha correcta xestión destes envases, despois de rematalos debe enxugalos 3 veces e entregalos nun establecemento de venda de produtos fitosanitarios para a súa recollida e entrega ao Xestor Autorizado.