Quince persoas con minusvalía fórmanse como auxiliares termais na Casa da Auga

A Fundación Emalcsa colaborou con FSC Inserta, a entidade para a educación e o emprego da Fundación ONCE, na organización dun curso para formar persoas con minusvalidez como auxiliares termais na Casa da Auga. Quince alumnos beneficiáronse dos coñecementos impartidos neste programa, pensado para facilitar a súa integración na vida laboral.

FSC Inserta ten contado coa colaboración da Fundación Emalcsa e de Termaria. Ao acto de clausura do curso, celebrado na Casa da Auga, asistiu a presidenta do Consello Territorial da ONCE en Galicia, Dores Venancio; a directora territorial de FSC Inserta en Galicia, Menchu Iglesias; o director xerente de Termaria, Claudio Orjales, e o director xerente da Fundación Emalcsa, Manuel Aguilar.

Este curso de enmarca dentro do Programa por Talento, que a Fundación ONCE desenvolve a través de FSC Inserta, co cofinanciamento do Fondo Social Europeo. A Fundación Emalcsa colabora neste programa porque o obxectivo é que os cidadáns con algún tipo de minusvalidez aumenten as súas posibilidades de conseguir un emprego.