Programa de turismo social para maiores 2013/2014

O instituto de maiores e servizos sociais (Imserso) está a organizar xa as distintas viaxes co obxectivo de que os maiores poidan gozar dunhas merecidas vacacións. En concreto poden optar por varias modalidades: Estanzas en zonas costeiras, circuítos culturais, ou turismo de natureza.

Os requisitos para poder beneficiarse deste programa é ser residente en España, maior de 65 anos, pensionista ou xubilado, ou pensionista de viuvez con idade igual ou superior aos 55 anos, ou ser pensionista de invalidez, outras pensións ou prexubilado e ter en todos estes casos 60 anos cumpridos.

Todos os interesados en acceder a estes programas de turismo social para maiores poderán solicitar toda a información ao respecto nas oficinas municipais da área de Benestar Social, situadas na rúa Faustino Santalices, fronte á oficina de Correos.