Os participantes do I Campus de Fútbol Concello de Ordes reláxanse na piscina do Muíño

Os xogadores na xornada de piscina

Os rapaces que ao longo destas semanas participan no I Campus de Fútbol Concello de Ordes desfrutaron dunha refrescante xornada na piscina do Muíño, en pleno corazón da vila de Ordes. Todos xuntos realizaron distintos xogos acuáticos en grupo e fixeron uso dos distintos servizos, como o solarium ou a cafetería, deste espazo considerado por moitos como o máis divertido de todo Ordes durante os meses de verán.