“Organ Session!” no Festival IKFEM de Tui

Tras o éxito do concerto de inauguración de IKFEM “International Keyboard Festival & Masterclass Eurocity Tui – Valença” mañá xoves 18 de Xullo terá lugar o segundo set de concertos, ORGAN SESSION! da man da coñecida organista Marisol Mendive.

Marisol realizou os seus estudos de órgano cos profesores do talle de J. L. González Uriol e M. Torrent. Traballou durante varios anos como Organista e directora do Departamento de Música do Santuario de Torreciudad (Huesca) e hoxe en día colabora no equipo interdisciplinar que está a realizar a Catalogación completa dos órganos de Galicia

O concerto, cuxa entrada será gratuíta, terá lugar na Catedral de Sta. María de Tui ás 22.00 e interpretaranse obras de Bach, Dietrich Buxtehude e Nicolaus Bruhns.

O festival IKFEM está organizado pola Asociación Xuventudes Musicais de Tui co soporte da Eurocidade Tui-Valença e a colaboración da Deputación de Pontevedra.