O servizo de vixilancia e socorrismo das praias estará operativo na xornada de mañá mércores

O Concello de Ferrol informa que a empresa que ten encomendado o servizo de vixilancia dos areais da cidade durante este verán –Tragsatec- chegou hoxe a un acordo co persoal que se ocupará destas tarefas. Así as cousas, o servizo de socorrismo estará operativo no litoral ferrolán a partir de mañá mércores e durante todos os días da semana até o vindeiro 31 de agosto en horario de 12.00 a 20.00 horas.

Este entendemento prodúcese despois de que na xornada de onte a Administración ferrolá instara á empresa que ten a encomenda do servizo a solucionar á maior brevidade as diferenzas contractuais que mantiña co persoal seleccionado, co obxectivo de que os areais do municipio contarán canto antes con socorristas. Chegado o acordo, ao redor de 50 persoas ocuparanse dende mañá mércores da vixilancia e seguridade dos bañistas e usuarios das praias de Doniños, San Xurxo, Ponzos, Santa Comba, A Graña, Caranza, Penencia, Esmelle e Covas.