O rexedor coruñés esixe as partes implicadas no concurso do Deportivo que resolvan a situación “de xeito inmediato”

O alcalde da Coruña, Carlos Negreira, esixiu esta mañá que as partes implicadas no concurso do Deportivo resolvan a situación de forma inmediata. “Esiximos que hoxe se poña xa fin a esta situación de incerteza, a esa posibilidade de descenso administrativo. Non nos merecemos chegar ata este último minuto nos despachos, con esta incerteza, con esta tensión e con esta inquietude lóxica nos campos de fútbol pero desde logo non nos despachos”, expresou o alcalde

“Creemos que hai solución. Hai que distinguir entre o curto prazo e o medio ou longo prazo. O primeiro é o pago aos xogadores, algo que se ten que resolver de forma inmediata xa que hai medios e posibilidades para facelo e o xuíz ha instado a que isto se resolva. Outra cousa é o convenio a futuro para asegurar a viabilidad e o futuro do Club a medio e longo prazo”, destacou.

Neste sentido, o regidor volveu agradecer o apoio da afección e destacou o peso que ten na cidade o Club: “Ao longo da historia houbo moitos presidentes, moitos adestradores, pero o importante é o Club, os seus cen anos de historia, a súa afección e o que representa para toda a cidade e para toda Galicia. Fronte a isto non pode haber ningún outro interese. O único importante é salvar ao Deportivo da Coruña”, concluíu.