O Plan RUA da Coruña leva a cabo unha actuación integral en 23 rúas e prazas dos Mallos e A Sardiñeira

Melloras viarias

O Concello da Coruña, a través da Concellaría de Medio que dirixe Enrique Salvador, informa de que dende hoxe, luns, 8 de xullo, e ata o próximo sábado, día 13, o Plan RUA realizará unha actuación integral na zona dos Mallos e A Sardiñeira. Durante os próximos 6 días esta iniciativa chegará a 23 rúas e prazas, o que supón unha superficie de 63.480 metros cadrados.

Realizaranse distintas actuacións como a limpeza e reparación de 240 colectores e 65 papeleiras; o baldeo duns 1.800 metros lineais da rede de rede de sumidoiros da zona; a reparación de 29 deficiencias en iluminación pública e 25 metros cadrados de pavimentos de beirarrúas; ou a limpeza e mantemento de 100 pozos da rede de rede de sumidoiros e de 85 sumidoiros. Ademais, levaranse a cabo actuacións de mantemento de xardíns e zonas verdes, do parque infantil, marquesiñas, mupis e 10 semáforos; e realizarase o pintado de 12 pasos de peóns e 6 sinais horizontais na calzada.

No desenvolvemento desta actuación participarán un total de 30 servizos municipais para conseguir espazos máis limpos, sostibles e ordenados coa colaboración dos veciños. Neste sentido, nos días de actuación do Plan RUA realízase a inspección de vehículos abandonados na zona xa que, ao non haber coches nas rúas, facilita o labor de detección.