O Plan RUA arranca a súa cuarta fase na zona da Falperra

O Concello da Coruña informa de que iniciou na zona da Falperra a cuarta fase do Plan RUA. Ata o próximo sábado, 6 de xullo, esta iniciativa chegará a 25 rúas e prazas, o que supón unha superficie de 20.522 metros cadrados.

O Goberno municipal, a través da Concellaría de Medio, realiza dende onte, luns 1 de xullo, distintas actuacións na zona da Falperra, como a limpeza e reparación de 160 colectores e 50 papeleiras; reposición de 3 colectores; a limpeza duns 900 metros lineais da rede de rede de sumidoiros da zona e de 60 pozos da rede de rede de sumidoiros e de 90 sumidoiros; a reparación de 32 deficiencias en iluminación pública e 72 metros cadrados de pavimentos de beirarrúas. Ademais, levaranse a cabo actuacións de mantemento de xardíns e zonas verdes, dun parque infantil, de marquesiñas e semáforos; realizarase o pintado de 17 pasos de peóns e 8 sinais horizontais na calzada.

No desenvolvemento desta actuación participan un total de 30 servizos municipais para conseguir espazos máis limpos, sostibles e ordenados coa colaboración dos veciños. Neste sentido, nos días de actuación do Plan RUA realízase a inspección de vehículos abandonados na zona xa que, ao non haber coches nas rúas, facilita o labor de detección. O Plan RUA permanecerá neste barrio ata o sábado, 6 de xullo. Ao longo do próximo mes tamén actuará na Sardiñeira, Cuatro Caminos, Agra del Orzán e Ciudad Vella.