O plan de integración do Concello da Coruña permitiu a inserción de 5 familias da Pasaxe

O Concello da Coruña, a través da Concellaría de Servizos Sociais, traballa dende hai meses nun plan para a integración dos chabolistas da antiga Conservera Celta, na Pasaxe, posto que, cando chegou a María Pita o actual equipo de Goberno municipal, non existía sobre a mesa un programa para traballar nunha reinserción real e efectiva destas familias. Esta iniciativa xa permitiu a integración de 5 familias familias.

A nave onde se encontra situado unha serie de infraviviendas ten un expediente de ruína con orde de demolición. A raíz duns desprendementos, a empresa propietaria da nave e dos terreos iniciou os trámites para a demolición desta. Como se trata de terreos de titularidade privada, a empresa titular da parcela compareceu esta mañá na Pasaxe cun notario, que se encargou de levantar acta da solicitude realizada aos chabolistas para que abandonasen a zona, así como a contestación destes ao respecto.

O equipo de chabolismo de Servizos Sociais aproveitou este acto administrativo para volver recordar ás persoas que viven no poboado que as familias teñen á súa disposición os recursos municipais para facilitar a súa integración social e laboral, tal e como lles foi comunicado días atrás cando se tivo coñecemento, por parte da Concellaría, da intención da propietaria de proceder á demolición da nave, dado o perigo de derruba da construción. Neste sentido, o departamento que dirixe Miguel Lorenzo informoulles dos recursos existentes para o seu realoxar, de acordo ás circunstancias e necesidades de cada unha das familias residentes, así como un servizo de mudanza para facilitar o desaloxo das devanditas familias

O Concello destaca que a posta en marcha en 2012 deste plan de intervención social, laboral e formativa das persoas na Pasaxe xa favoreceu a integración de 5 familias. O obxectivo deste programa municipal é permitir non só a inserción social destas persoas, senón tamén a nivel laboral e formativo, posto que o departamento que dirixe Miguel Lorenzo asegura que é a mellor forma de alcanzar unha integración total e real destas familias.