O multiusos de Frades acolle unha exposición cos traballos feitos polos veciños participantes nos cursos de manualidades

Diversas manualidades expostas

O edificio multiusos José María Botana acolle dende hoxe luns e ata o vindeiro venres 12 de xullo unha exposición cos traballos realizados polos veciños e veciñas participantes nos distintos cursos de manualidades organizados polo Concello de Frades no curso 2012-2013.  Unha mostra que inclúe todo tipo de pezas e modalidades: pintura, cerámica, bixutería, pintura en vidro, complementos, etc

A mostra poderá ser visitada ata o vindeiro 12 de xullo en horario de mañá, concretamente de 9 a 14:00 horas. Ademais, o xoves 11 e o venres 12 de xullo tamén abrirá en horario de tarde, entre as 17 e as 21:00 horas. A entrada é libre e totalmente de balde.