O Espazo Xove de Ourense acolle un curso de elaboración de proxectos de animación sociocultural e turística

A Dirección Xeral de Xuventude e Voluntariado convoca un curso de Elaboración de proxectos de animación sociocultural e turística no Espazo Xove de Ourense ,  dentro do Plan de Formación para a Rede Galega de Información e Documentación Xuvenil 2013.

Obxetivos: o obxectivo deste curso é que os participantes acaden os coñecementos necesarios para elaboraren proxectos de animación sociocultural e turística.

Destinatarios/as: Persoal da Rede Galega de Información Xuvenil, mocidade de 18 a 30 anos en posesión do carné xove e outras persoas interesadas no tema.

Criterios de selección: a selección virá dada pola orde de presentación de solicitudes, tendo prioridade na admisión o Persoal da Rede Galega de Información Xuvenil e mocidade de 18 a 30 anos en posesión do carné xove.

Número de horas: 26

Nº de prazas: 30

Contidos:

Identificar as necesidades do sector produtivo e relacionalas cos proxectos tipo que as poidan satisfacer; deseñar proxectos, incluíndo e desenvolvendo as fases que os compoñen; planificar a execución do proxecto, determinando o plan de intervención e a documentación asociada e definir os procedementos para o seguimento e o control na execución do proxecto, xustificando a selección de variables e os instrumentos empregados.

Metodoloxía: O curso será impartido en modalidade on-line.

Datas de realización: do 26 de agosto ao 17 de setembro de 2013.

Prazo e lugar de inscrición: O prazo de presentación de solicitudes remata  ás 14 horas do 12 de agosto de 2013.