O director do hotel Torre do Deza e o concelleiro de turismo de Lalín entregan os premios do sorteo do “mes de cocido”

Entrega de premios

Os premios correspondentes ao sorteo do Mes do Cocido que se fixo entre os máis de 2.500 clientes que cubriron as enquisas de calidade veñen de ser entregados aos seus gañadores: ao amiense Perfecto Conde e á viguesa Nuria Palomera que resultaron agraciados cunha fin de semana no Hotel Torre do Deza en pensión completa e con acceso a servizo de spa e circuíto termal (Conde) e cun vale de 300 euros para investir en compras nos establecementos comerciais lalinenses (Palomera). O primeiro degustou o Cocido no restaurante La Molinera e a viguesa no Bodegón Currás, establecementos onde cada un validou a enquisa que lle deu pé a ser elixido gañador.

A entrega de premios foi realizada polo concelleiro de Turismo, José Antonio Rodríguez, e polo director do Hotel Torre do Deza, David Romero, no transcurso dun acto que tivo lugar no hall de entrada do dito establecemente hoteleiro, onde tamén se celebrou o dito sorteo a finais de xuño.

Na entrega José Antonio Rodríguez pudo comprobar como, casualmente, Perfecto Conde resultou ser o escritor de renome e veterano xornalista de segundo apelido Muruais, quen lle comentou que se desprazara ad hoc desde Ribadeo a Lalín para degustar cocido cun par de amigos o luns seguinte ao día grande do Cocido. Rodríguez compartiu uns minutos de conversa con Conde, vencellado afectivamente a Lalín onde ten diversos amigos e transmitiulle ao edil saúdos para o alcalde, José Crespo.

O concelleiro de Turismo agradece unha vez máis a colaboración dos hostaleiros e dos clientes na auditoría de calidade do Cocido que se fixo en torno á XLV Feira do Cocido e que tivo uns resultados satisfactorios no canto de supoñer un paso máis no compromiso de calidade dos restauradores lalinenses á hora de servir este prato, embaixador de Lalín no mundo.