O Concello de Vigo propón actividades gratuítas e saudables na praia de Samil

PUBLICADO EN: Noticias de Galicia ► Local ► Vigo ▼
A-
A+

Actividade física, cursos de cociña saudable ou consellos sobre alimentación son algunhas das ofertas do Plan Saúde das que se poden disfrutar na praia de Samil. Tal e como explicou hoxe o rexedor durante unha visita ás distintas instalacións, estas actividades son gratuitas e non precisan inscripción previa.

O Plan Saúde arranca a tempada nas praias con accións gratuitas que non precisan inscripción. Segundo avanzou hoxe martes o rexedor durante unha visita ás instalacións, un monitor impartirá clases de xinmansia de mantemento, GAP e aerobic nas pistas de patinaxe de Samil, os luns, mércores e venres, entre as 20:00 e as 21,00 horas. Tamén se retoma o programa Síntome ben, con medicións antropométricas e asesoramento técnico en nutrición e actividade física. Os martes e xoves de xullo e agosto, entre as 10,00 e as 14,00 horas e as 16,00 e as 19,00 horas, expertos aconsellarán sobre hábitos de vida saudables. Por último, tamén haberá un obradoiro de cociña, con explicacións prácticas e montaxe de pratos saudables con degustación e entrega de fichas con distintos menús. Neste caso, o horario será os martes, de 10,00 a 14,00 horas.

24 de xullo de 2013 | 16:30 • Sen comentarios

Comentarios pechados.