O Concello da Lama ofrece servizo gratuíto de asesoramento ao cidadán en materia catastral

O Concello da Lama puxo a disposición dos seus veciños e veciñas un servizo de asesoramento gratuíto para resolver dúbidas ou incidencias e realizar trámites relativos ás súas propiedades inmobles, fincas rústicas e casas.

Este servizo está operativo dende principios deste mes e ata finais do ano. Atenderase o primeiro e terceiro mércores de cada mes. Durante xullo e agosto en horario de 10.45 a 13.45 h. e o resto do ano de 11.30 a 14.30 h.

O asesoramento será ofrecido por unha empresa especializada e entre os servizos que se ofrecen cabe destacar: o asesoramento para a corrección de erros nos datos catastrales rústicos e urbanos, cambios de titulariedade, reclamacións de superficie, legalización de propiedades, rexistro de bens, liquidación de impostos, etc.

O alcalde apostou por este servizo, a cargo do presuposto municipal e está moi satisfeito, xa que dende que se puxo en marcha xa acudiron moitas persoas a resolver as súas cuestións, sobre todo persoas maiores, ás cales lles suporía un coste moi elevado o desprazamento a unha asesoría da cidade e a minuta do profesional.