O Concello da Coruña participa en Porto nunhas xornadas para promover a Eurorregión Galicia – Norte de Portugal

Debater e buscar novas estratexias de promoción turística para impulsar a Eurorregión Galicia – Norte de Portugal e atraer así máis visitantes é o principal obxectivo do encontro que se celebra hoxe en Porto e no que está representada A Coruña a través do Consorcio de Turismo que preside Luisa Cid.

As xornadas están organizadas pola Agrupación Europea de Cooperación Territorial Galicia – Norte de Portugal en colaboración co Instituto Superior de Administración e Xestión, a Axencia de Turismo de Galicia e a Entidade Rexional Turismo Porto e Norte de Portugal e, baixo o título La Eurorregión Galicia-Norte de Portugal, que sinerxías de futuro?, reúne no país luso distintos expertos que achegarán o seu particular visión sobre o sector.

A xerente do Consorcio de Turismo, Fernanda Arenas, participa neste evento onde se pretende fomentar o intercambio de ideas sobre camiños, estratexias e oportunidades na área de turismo, dando a coñecer proxectos de gran relevancia nun mercado tan interesante e esixente como o deste sector. No acto tamén se debaterá sobre o futuro do turismo na Eurorregión Galicia – Norte de Portugal.