Novo horario de visita á Torre da Homenaxe durante os meses de verán

A partir de mañá martes día 2 de xullo, a Torre da Homenaxe contará cun novo horario de visitas, diferenciando o que se considera temporada alta e temporada baixa.

Nos meses de xullo, agosto e setembro, épocas de maior afluencia de turistas a Monforte, a Torre poderá visitarse de martes a domingo entre as 11:00 e as 14:00 h. polas mañás e de 17:00 a 20:00 h. polas tardes.

Os luns a Torre permanecerá pechada, ó igual que a Oficina Municipal de Turismo.

O prezo da entrada é de 1,55 euros.

As torres do Cárcere Vello e de Sto. Domingo poderán ser visitadas no mesmo horario que a Torre da Homenaxe.

Lembramos que, ademais de coñecer o propio edificio histórico, na Torre da Homenaxe pódese ver unha exposición permanente que nos adentra no mundo medieval e nos achega á vida destes séculos.

A exposición fai un percorrido pola Idade Media, os seus costumes, estamentos sociais, procesos históricos e protagonistas, nun tempo no que Monforte de Lemos ocupou un papel de enorme relevancia na historia de Galicia.

Nos paneis nos que se explica a historia medieval de Monforte e Galicia, tamén poden verse reproducidos documentos de gran valor para Monforte, como o Privilexio del Rey Alfonso XI no que se lle concede Monforte a Don Pedro Fernández de Castro.

Dende a delegación de turismo estímase que a visita á Torre da Homenaxe realízase nun tempo aproximado de entre 20 e 30 minutos, polo que se recomenda iniciar a mesma media hora antes do horario de peche.