Nigrán súmase ao loito oficial polo accidente ferroviario de Santiago

A corporación municipal decreta sete días de loito oficial con motivo da traxedia ferroviaria de Santiago de Compostela. Así mesmo, transmite o seu máis sincero pésame ás familias e amigos das vítimas deste tráxico accidente.

A corporación convoca aos veciños e visitantes ás 12.00 horas do venres 26 de xullo, fronte a Casa do Concello, para gardar cinco minutos de silencio en sinal de loito e en memoria das vítimas e das súas familias.

Doutra banda, o Concello de Nigrán cancela as actividades culturais e de lecer previstas para os próximos sete días. As actividades deportivas mantense, pero non se celebrará ningunha cerimonia oficial nin acto de entrega de premios, e gardarase un minuto de silencio en memoria das vítimas en todas elas.