Miguel Bosé ofrecerá o seu único concerto de verán en Galicia no Auditorio de Vilagarcía de Arousa

O concerto de Miguel Bosé será o prato forte musical das festas patronais de San Roque 2013 e a única actuación que o cantante fará este verán en Galicia. O concerto celebrarase o domingo 11 de agosto en Fexdega. As entradas xa se poden adquirir de xeito anticipado a 15 euros a través de servinova e no Auditorio de Vilagarcía. En taquilla custarán 20 euros.

O concerto de Miguel Bosé será un dos eventos máis esperados das festas de San Roque deste ano. O cantante actuarán en Vilagarcía no marco da xira “Papitwo” que está a desenvolver por toda España e América Latina e a cita do 11 de agosto en Fexdega será a única oportunidade que os seus numerosos fans terán de velo en Galicia este verán.

O evento musical promete ser todo un espectáculo, a xulgar polos éxito que Bosé está sumando en todas as cidades españolas en latinoamericanas nas que xa ten actuado a través da xira “Papitwo”. No concerto, Bosé Interpretará boa parte dos grandes éxitos dos numerosos discos gravados ao longo sa súa extensa carreira musical.

O concerto celebrarase no aparcamento posterior de Fexdega e comezará ás 22:30 horas. As entradas pódense adquirir xa a través de www.servinova.con e no Auditorio Municipal de Vilagarcía (de 9:00 a 13:00 horas ata o 9 de agosto)