Mariñas – Betanzos conclúe o proxecto “Novos Horizontes”

O Grupo de Desenvolvemento Rural Mariñas – Betanzos participará mañá, venres 19 de xullo, na clausura do proxecto “Novos Horizontes”, que levou a cabo os últimos 3 anos xunto con 11 Grupos de Desenvolvemento Rural, 9 da Comunidade Autónoma de Galicia e 2 do Principado de Asturias.

O obxectivo xeral do proxecto de cooperación “Novos Horizontes” foi identificar, ensaiar e difundir cultivos tradicionais e novas producións que poidan xerar emprego agrario, conectando estas producións con demandantes de emprego e con os mercados obxectivo.

A xornada de mañá, que se celebrará no Hostal dous Reis Católicos de Santiago de Compostela, reunirá representantes dos 12 GDR, así como investigadores, restauradores, responsables de centros de experimentación agroforestal ou cooperativas agrarias, para presentar os resultados do proxecto.