Máis dun cento de amantes da fotografía gozaron de #objetivocoruña esta fin de semana

A II Edición de #objetivocoruña, organizado polo Consorcio de Turismo que preside Luisa Cid, congregou o pasado fin de semana máis dun centenar de afeccionados e profesionais da fotografía en torno ás charlas e prácticas protagonizadas polos cinco fotógrafos invitados a esta edición.

Lucas Vallecillos (fotografía documental), Gonzalo Azumendi (viaxes e campañas publicitarias), Anxo Martínez Bermejo (fotografía antropolóxica), Óscar Domínguez (fotografía de natureza) e Rafael López-Monné (cultura e festas) achegaron ao evento cinco formas diferentes de entender a fotografía. Eles foron os encargados de ofrecer, o pasado venres, unha charla máster-class no Museo Nacional de Ciencia e Tecnoloxía (Muncyt) na que compartiron as súas experiencias con case un centenar de persoas.

A teoría deu paso á práctica na xornada do sábado coas quedadas fotográficas que permitiron a un centenar de persoas gozar dun encontro con estes profesionais. Partindo dende distintos puntos da cidade, cada un dos fotógrafos invitados dirixiu os pasos -e os obxectivos- de 20 persoas, desvelando algúns dos seus trucos e tamén unha forma diferente de mirar á cidade da Coruña, posto que para os cinco protagonistas se trataba da primeira visita á urbe.

A experiencia, cuxa principal prioridade é ampliar o arquivo fotográfico do Consorcio de Turismo, foi todo un éxito e contou coa participación de fotógrafos de toda Galicia, que gozaron e son coñecidos a cidade a través dos obxectivos destes cinco grandes profesionais.