Lousame acolle un taller de mantemento básico do automóbil

Un instante da clase práctica

A Concellería de Igualdade do Concello de Lousame organizou un Taller práctico sobre o mantemento básico automóbil, dentro do Programa de Fomento da Igualdade subvencionado pola Deputación da Coruña, que se levou a cabo  o martes 16 ás 20h, na praza do Concello.

Co obxectivo de formar ás mulleres en tarefas ou saberes, non vinculados tradicionalmente a elas, e que potencien a súa autonomía e autoestima, organizouse este taller onde as participantes traballaron dun xeito práctico os contidos principais da mecánica básica a nivel usuaria como;

– substitución de pneumáticos,

– comprobación de niveis; auga, aceite,

– revisión dos niveis de presión das rodas,

– documentación obrigatoria do vehículo,

– sistemas de seguridade infantís,

– e outras operacións sinxelas de mantemento do vehículo, etc…

A sesión estivo impartida por profesionais de autoescola, e as persoas participantes tiveron ocasión de poñer en práctica o aprendido nos seus propios vehículos.