“Itineranta 2013” trae o mellor espectáculo de rúa a Pontevedra

As rúas de Pontevedra volverán vibrar este mes de agosto coa programación de Itineranta que ante o evidente éxito de público, a Concellaría de Festas decidiu ampliar o número de grupos que participan durante os días 6, 7 e 8 de agosto neste festival internacional de animación de rúa.

A xornada do martes, 6 de agosto, está prevista a actuación de Fadunito co espectáculo “La gran familia” a partir das 21.00 horas. Ás 21.30 horas sairá Kull d`Sac co seu espectáculo “Muñecos”, e ás 22.00 horas será Brincadeira con “La danza de la calle”.

O mércores, 7 de agosto actuarán:

• Maduixa Teatre co espectáculo “Meganimals” que sairá ás 20.45 horas.

• Fadunito co espectáculo “Le Petit Cirque” ás 21.00 horas.

• Kull D´Sac co espectáculo “Le Mascherate” ás 21.015 horas.

• Palo Q´Sea co espectáculo “Rompe Candela” ás 21.45 horas.

• Deabru Beltzak co espectáculo “Les Tambours de Feu” ás 22.15 horas.

A xornada do xoves, 7 de agosto actuarán:

• Factoría Circular co espectáculo “Rodafonio” ás 21.00 horas.

• Maduixa Teatre co espectáculo “Tam Tam Percusión” ás 21.30 horas.

• Troula Animación co espectáculo “PachaMama” ás 22.00 horas.

As actuacións desenvolveranse por tres rutas distintas, a horas distintas (en función do espectáculo), de tal xeito de que non interfiran entre eles, e as rúas estean cheas de música, color, espectáculo, pirotecnia…

A ruta A ten o seguinte percorrido: Méndez Núñez, Pai Sarmiento, Verdura, Pai Sarmiento, Leña, Pasantería, Ferraría e chegada á praza da Peregrina.

A ruta B ten por percorrido: praza do Teucro, Princesa, Cinco Rúas, Sabela II, Méndez Núñez, Pai Sarmiento, Verdura, Ferraría e praza da Peregrina.

O percorrido C será o seguinte: praza de España, Michelena, Peregrina, Ferraría, Soportais e Curros Enríquez.