Gondomar convoca 5 minutos de silencio en recordo ás vítimas da traxedia ferroviaria do Alvia

Conforme á petición realizada formalmente pola Federación Galega de Municipios e Provincias (Fegamp), o alcalde do municipio, Fernando Guitián, convoca para esta mañá a toda a Corporación Municipal, así como aos traballadores do Concello, para gardar 5 minutos de silencio en recordo das víctimas da traxedia ferroviaria de Santiago.

O acto celébrase ás 12.00 horas diante do Consistorio. Está aberto a todos os cidadáns que queiran sumarse.

Por outra banda, tamén quedan suspendidos todos os actos culturais festivos organizados desde a Concellaría de Cultura do Concello durante os 7 días de loito oficial.