Ferrol colabora coa asociación Acción Familiar no desenvolvemento dun programa de apoio escolar e social

O Goberno Municipal de Ferrol, que preside Jose Manuel Rey Varela, vén de formalizar un convenio de colaboración coa Asociación Acción Familiar. A través deste acordo, o Concello de Ferrol contribuirá á realización do proxecto “Integra-T” de apoio escolar e social de mozos e mozas en risco de exclusión social.

A concelleira de Benestar Social, Rosa Martínez Beceiro, explicou que este convenio ten por obxecto integrar mediante apoio psico-educativo aos nenos, nenas e adolescentes en situación de desvantaxe sociocultural, desfavorecidas ou en risco de exclusión social. A Administración municipal achega 2.000 euros coa sinatura deste convenio de colaboración para o financiamento das actividades do mesmo.