Crespóns negros nos taxis e concentración pública en Ordes en apoio aos afectados polo accidente ferroviario acontecido en Santiago

Crespóns negros nos taxis

A Corporación municipal do Concello de Ordes, encabezada polo seu alcalde Manuel Regos, así como numerosos traballadores e traballadoras municipais, veciños e veciñas concentráronse esta mañá na Alameda. Alí gardaron cinco minutos de silencio en sinal de duelo polas vítimas rexistradas no accidente ferroviario acaecido nas inmediacións de Compostela o pasado día 24. Así mesmo, a tenente de alcalde, Silvia Marín, foi a encargada de ler o manifesto en apoio a todos os afectados por este tráxico suceso, entre os que se atopaba a antiga xerente do Centro Comarcal de Ordes, Isabel Brión.