Cedeira inaugura a mostra “Outras paisaxes, outras miradas” de Poldo Rapela

O artista Poldo Rapela trae a Cedeira a exposición “Outras paisaxes, outras miradas”. A mostra inaugurarase mañá xoves no Palacete da vila e permanecerá neste ata o próximo día 4 de agosto. O público poderá visitala en horario de mañá (de luns a venres de 10,30 a 14 horas e sábado de 11 a 14 horas) e de tarde (de luns a venres de 17,30 a 20 horas). A entrada é libre e gratuíta.

A exposición está composta por 39 traballos ao óleo e, na súa inmensa maioría, mostran paisaxes e cantos emblemáticos dos diferentes concellos da bisbarra.