Benestar ferrolá programa actividades de bingo social para o mes de xullo

A Concellería de Benestar Social, que dirixe Rosa Martínez Beceiro, informou hoxe sobre a actividade de bingo que se realizará no mes de xullo nos comedores sénior da cidade. A iniciativa recreativa terá lugar os días 10, 17 e 31 de xullo no comedor de Río Xubia  mentres o de Caranza será o día 18.

A edil de Benestar Social explicou que o obxectivo é “xerar beneficios para a saúde física, mental e afectiva dos maiores a través da realización de actividades recreativas e estimulación lúdica a través dun xogo arraigado nos maiores, o bingo”. Esta actividade, de carácter gratuíto, será en horario de 14:00 a 15:00 horas en ámbolos dous comedores sénior. De maneira máis concreta, a realización do bingo pertence previr as patoloxías e posibles continxencias asociadas ao envellecemento; mellorar e reforzar a psicomotricidade fina a través da mobilidade e axilidade; estimular a percepción sensorial; exercitar as habilidades cognitivas; potencias o contacto social e a comunicación; e optimizar os niveis de benestar subxectivo. Así, esta iniciativa recreativa persegue potenciar con un compoñente de reforzo positivo a través dun obsequio ao gañador/es da mesma.