As patrullas a pé da Policía local en Elviña comezan a partir do mes de outubro

O Tenente de Alcalde de Seguridade, Julio Flores, acompañado polo Xefe da Policía Local, reuniuse con representantes da Asociación de Veciños Elviña 2 FASES, para informar do comezo das patrullas a pé en Elviña a partir do mes de outubro. “Comprometémonos a ampliar as patrullas a pé da Policía local a cinco novos barrios neste ano e nas semanas anteriores xa comunicamos o seu despregamento no Ventorrillo, Labañou e Birloque. Coa incorporación de Elviña, imos lograr que en 2013 se cubran 20 barrios con patrullas a pé na nosa cidade, informou.

Flores sinalou que se dividiu o barrio en dous sectores para realizar as patrullas a pé; o sector “Pablo Picasso”, que abrangue o perímetro entre as avenidas Alfonso Molina, San Cristóbal, Salgado Torres e Oleiros, e o sector “Salvador de Madariaga, comprendido entre Avda. Alfonso Molina, c/Antonio Machado, Avda. Monelos, c/Camilo José Cela e Avda. San Cristóbal.

En ambos os dous sectores levarase a cabo o control do cumpro das ordenanzas municipais, do tráfico de vehículos e dos pasos peonís, e haberá presenza policial nas inmediacións dos colexios Alborada, Salgado Torres e a escola infantil municipal “Arela” na zona “Pablo Picasso”, e nos colexios María Pita e Ramón de la Sagra na zona “Salvador de Madariaga “.

Na reunión, Flores informou do balance da actividade do primeiro ano de traballo da Policía de Barrio, que permitiu incrementar a presenza da policía local nos barrios. “A media diaria de policías locais que prestan servizo nos barrios pasou de 50 en 2011 a 83 policías no primeiro trimestre de 2013. Tamén o programa de policía comunitaria nos permitiu que os mandos da policía local mantivesen 39 reunións con representantes veciñais e 35 reunións con centros escolares, para coñecer de primeira man a situación relacionada coa seguridade cidadá e coa seguridade vial”, explicou.